ഹോമിയോപ്പതിക് ഫാർമസി വകുപ്പിൻ്റെ ആഭിമുഖ്യത്തിൽ

കോഴ്‌സിൻ്റെ ദൈർഘ്യം : 1 വർഷം (റെഗുലർ)

പ്രവേശനശേഷി : 50

യോഗ്യത : എസ്.എസ്.എൽ.സി. (SSLC)

പ്രവേശന നടപടി : എൽ.ബി.എസ്. സെൻ്റർ ഫോർ സയൻസ് ആൻഡ് ടെക്നോളജി മുഖേന പ്രവേശനം നടത്തപ്പെടുന്നു

കേരളത്തിലെ സർക്കാർ ഹോമിയോപ്പതിക് ഡിസ്പെൻസറികളിൽ സേവനമനുഷ്ഠിക്കുന്നതിന് ഫാർമസിസ്റ്റുകൾക്ക് ആവശ്യമായ അടിസ്ഥാന അറിവും പ്രയോഗിക നൈപുണ്യവും നൽകുന്നതിനായി രൂപകൽപ്പന ചെയ്ത ഒരു വർഷത്തെ അക്കാദമിക-പ്രയോഗിക പരിശീലന പരിപാടിയാണ് സർട്ടിഫിക്കറ്റ് കോഴ്സ് ഇൻ ഫാർമസി (ഹോമിയോ). ഗവൺമെൻ്റ് ഹോമിയോപ്പതിക് മെഡിക്കൽ കോളേജ്, തിരുവനന്തപുരം, ഹോമിയോപ്പതിക് ഫാർമസി വകുപ്പിൻ്റെ മേൽനോട്ടത്തിലും അക്കാദമിക നേതൃത്വത്തിലുമാണ് ഈ കോഴ്‌സ് നടത്തപ്പെടുന്നത്. കേരള പബ്ലിക് സർവീസ് കമ്മീഷൻ (PSC) മുഖേന സർക്കാർ ഹോമിയോപ്പതിക് ഫാർമസിസ്റ്റ് തസ്തികയിലേക്കുള്ള നിയമനത്തിന് ആവശ്യമായ അടിസ്ഥാന യോഗ്യതകളിലൊന്നാണ് ഈ കോഴ്‌സ് .

പൊതുജനാരോഗ്യ മേഖലയിലും ഹോമിയോപ്പതി ചികിത്സാരംഗത്തും കാര്യക്ഷമമായി സേവനമനുഷ്ഠിക്കാൻ കഴിവുള്ള, പ്രൊഫഷണൽ മികവും ധാർമ്മിക മൂല്യങ്ങളും ഉള്ള ഹോമിയോപ്പതിക് ഫാർമസിസ്റ്റുമാരെ വളർത്തിയെടുക്കുക.

ഹോമിയോപ്പതിക് ഫാർമസിയുടെ തത്വങ്ങളും പ്രായോഗിക രീതികളും സംബന്ധിച്ച് ആഴത്തിലുള്ള അറിവ് നൽകുക.

ഹോമിയോപ്പതിക് മരുന്നുകളുടെ നിർമ്മാണം, വിതരണം, സംരക്ഷണം എന്നിവയിൽ കൃത്യതയും പ്രാവീണ്യവും വളർത്തിയെടുക്കുക.

രോഗികളെയും ഹോമിയോപ്പതിക് മരുന്നുകളും കൈകാര്യം ചെയ്യുന്നതിൽ ധാർമ്മിക മൂല്യങ്ങളും അച്ചടക്കവും ഉത്തരവാദിത്തബോധവും വളർത്തുക.

സ്ഥാപനാടിസ്ഥാനത്തിലുള്ള പരിശീലനത്തിലൂടെ സൈദ്ധാന്തിക അറിവും പ്രായോഗിക പരിശീലനവും തമ്മിൽ ഫലപ്രദമായ ബന്ധം സൃഷ്ടിക്കുക.

ഹോമിയോപ്പതിക് ഫാർമസ്യൂട്ടിക്കൽ സേവന നിലവാരങ്ങൾക്കനുസൃതമായി പ്രവർത്തിക്കാൻ കഴിവുള്ള ഫാർമസിസ്റ്റുമാരെ സൃഷ്ടിക്കുക.

ഹോമിയോപ്പതിക് ഫാർമസിയുടെയും മെറ്റീരിയ മെഡിക്കയുടെയും അടിസ്ഥാന തത്വങ്ങൾ പരിചയപ്പെടുത്തുക.

ഹോമിയോപ്പതിക് മരുന്നുകളുടെ തിരിച്ചറിയൽ, നിർമ്മാണം, നിലവാരനിർണയം എന്നിവയിൽ പരിശീലനം നൽകുക.

ഫാർമക്കോപ്പിയൽ മാനദണ്ഡങ്ങളും ഗുഡ് മാനുഫാക്ചറിംഗ് പ്രാക്ടീസസും (GMP) പരിചയപ്പെടുത്തുക.

സർക്കാർ ഹോമിയോപ്പതിക് ഡിസ്പെൻസറികൾ, കോളേജ് ആശുപത്രി, ഹോംകോ (The Kerala State Homoeopathic Co-operative Pharmacy Ltd.) എന്നിവിടങ്ങളിൽ പ്രായോഗിക പരിശീലനം നൽകുക.

സിദ്ധാന്തിക ക്ലാസുകൾ (Theory Classes): അനാട്ടമി, ഫിസിയോളജി, ശുചിത്വവും രോഗപ്രതിരോധവും, പ്രഥമശുശ്രൂഷ, ഹോമിയോപ്പതിക് തത്വശാസ്ത്രം, ഹോമിയോപ്പതിക് ഫാർമസി, ഇൻഡസ്ട്രിയൽ ഫാർമസി, ഹോസ്പിറ്റൽ ഫാർമസി, ക്ലിനിക്കൽ ഫാർമസി, ഫാർമക്കോപ്പിയ, ഡിസ്പെൻസിംഗ് സാങ്കേതികവിദ്യകൾ എന്നിവ പഠിപ്പിക്കുന്നു.

ലബോറട്ടറി പരിശീലനം (Laboratory Training): മദർ ടിങ്ക്ചറുകൾ, ട്രൈറ്റുറേഷനുകൾ, ഡൈല്യൂഷനുകൾ, വിവിധ പൊട്ടൻസികൾ എന്നിവയുടെ നിർമ്മാണത്തിൽ പ്രായോഗിക പരിശീലനം നൽകുന്നു.

ആശുപത്രി പരിശീലനം (Hospital Postings): ഗവൺമെൻ്റ് ഹോമിയോപ്പതിക് മെഡിക്കൽ കോളേജ് ആശുപത്രിയിലും തിരഞ്ഞെടുത്ത സർക്കാർ ഹോമിയോപ്പതിക് ഡിസ്പെൻസറികളിലും പ്രായോഗിക പരിശീലനം നൽകുന്നു.

വ്യവസായ പരിശീലനം (Industry Exposure):ഹോംകോ (The Kerala State Homoeopathic Co-operative Pharmacy Ltd.) യിൽ പരിശീലനം നൽകി വ്യാവസായിക തലത്തിലുള്ള ഔഷധ നിർമ്മാണവും ഗുണനിലവാര നിയന്ത്രണവും പരിചയപ്പെടുത്തുന്നു.

മൂല്യനിർണയം (Evaluation):ക്രമമായ ആഭ്യന്തര മൂല്യനിർണയങ്ങൾ, പ്രായോഗിക പരീക്ഷകൾ, കോഴ്‌സിൻ്റെ അവസാനം അന്തിമ പരീക്ഷ എന്നിവ നടത്തപ്പെടുന്നു.

സുസജ്ജമായ ഫാർമസി ലബോറട്ടറിയുടെയും അസംസ്കൃത ഔഷധ മ്യൂസിയത്തിൻ്റെയും സൗകര്യം.

ഡിസ്പെൻസിംഗ് യൂണിറ്റുകൾ, മദർ ടിങ്ക്‌ചർ നിർമ്മാണ മുറികൾ, റഫറൻസ് ലൈബ്രറി എന്നിവയുടെ ഉപയോഗസൗകര്യം.

കോളേജ് ആശുപത്രി, സർക്കാർ ഹോമിയോപ്പതിക് ഡിസ്പെൻസറികൾ, ഹോംകോ എന്നിവിടങ്ങളിൽ ക്ലിനിക്കൽ-പ്രായോഗിക പരിശീലനം.

സർക്കാർ നിശ്ചയിച്ചിട്ടുള്ള മാനദണ്ഡങ്ങൾ അനുസരിച്ചാണ് കോഴ്സിലേക്കുള്ള പ്രവേശനം. കേരള പബ്ലിക് സർവീസ് കമ്മീഷൻ (PSC) മുഖേന സർക്കാർ ഹോമിയോപ്പതിക് ഡിസ്പെൻസറികളിലെ ഫാർമസിസ്റ്റ് തസ്തികയിലേക്കുള്ള നിയമനത്തിന് ഈ കോഴ്സ് വിജയകരമായി പൂർത്തിയാക്കേണ്ടത് നിർബന്ധമാണ്